Schlagwort: fitzgerald kusz

di uhrn gängä rüggwädds
ä minuddn houd sechzg schdundn
di sunnä gäihd im wesdn auf
und im osdn gäihds widdä undä
am dooch scheind dä mond
und in dä nachd scheind di sunnä
dä himml is undn
und di erdn is oom
di wolkn hamm fesdn buudn
undä ihre fäiß
und di berch fläing dävoo
iich laaf aff mei händ
und wink mid mei fäiß:
morng is aa numall ä nachd!

di laid glaum allers
bis droom glaum

dä wech is weid
es zill is nah
di schdern schdennä goud
di fäiß mäin
affm buudn bleim
inn kubf waschn 
kann nix schoodn
weä immä dä nosn 
nouch weidä gäihd
koo nix falsch machn
weä hiifälld
mou widdä aufschdäih
allers renkd si ei
di dooch senn lang gnouch